Bihar emango zaie hasiera Zaldibiako Santa Fe jaiei. Aurten, osteguna izango da 6 egun izango dituen festen lehena. Kalejiran joango dira Olaldetik Plazara txupinazoarekin hasteko; erraldoiekin, buruhandiekin eta Goiztiri txarangarekin.
20:00etan hasiko den mondeju dastaketaren ondoren, 23:00etan Bada Giro taldearekin dantza egingo dute. Ostiralean, hilak 6, haur eta gaztetxoak izango dira protagonistak. Jolasak, bazkaria eta dantza egingo dute, Akerbeltz taldearen emanaldiarekin bukatuz.
Larunbatean Mozorro Eguna ospatuko dute. Mundiko arroz bazkari herrikoia izango da nagusi, 19:00etan xaukena elektrotxarangarekin jarraituko dute eta Los Zopilotes Txirriaos eta DJ Anixakik zaldibitarrekin bukatuko dute eguna.
Igandean Aniztasuna eguna izango da, urteroko sega saioaz gozatu ahalko dute eta arratsaldean mozorro festa eta haurren playback jaialdia egingo dute.
Hurrengo astean, hilak 13 ostirala, patata tortilla lehiaketa izango da nagusi, bertsolariek girotuta.
Eta festei agur esateko, urriaren 14a larunbata, Kuadrillen Eguna ospatuko dute. Kuadrillen arteko bazkariekin eta jokoekin, eta Trikidantz taldeak alaituko ditu arratsalde eta gau.
Egitarau osoa HEMEN.
