"Ipuina engainua da" irakurle taldearen tertulia

Udan irakurtzeko proposatu den Iban Zalduaren IPUINA ENGAINUA DA narrazio bildumaz arituko dira bertan, eta idazlea bera ere etorriko da tertulia aberastera.

Hamazazpi ipuinek osatzen dute  liburu hau, eta askotariko gaiak jorratzen dira: bikote-arazoak, adulterioak, guraso eta seme-alaben arteko gorabeherak, kontu fantastikoak, zientzia-fikzio apur bat, sare sozialetako jardueraren parodia, gizarte-kritika (segregazio eskolarra dela, armagintza dela), pop musikaren mundua, eta baita metaliteratura ere, ipuinari berari buruzko teoriak barne.

Solasaldiaren ondoren, ohitura bihurtuta, mokadutxoa egingo da bertaratutakoekin.