UAE Team Emirates taldeko txirrindulariak Goierriko errepideetan barrena ibili dira Tour de France lasterketak igandean izango duen ibilbidea ezagutzen. Hala, herritar batek Tadej Pogačar eta bere taldekideak Zaldibiatik pasatzen grabatu zituen bere mugikorrarekin.
Pogačar-ekin batera, Rafal Majka, Mikkel Bjerg, Felix Großschartner, Marc Soler, Matteo Trentin, Vegard Stake Laengen eta Adam Yates-ek osatzen dute UAE Team Emirates taldea aurtengo Tour-ean. Gainera, Joxean Fernandez "Matxin" bizkaitarra izango da taldearen kirol zuzendaria.
Igandean, Aztiriatik sartuko da munduko txirrindulari lasterketa garrantzitsuena eguerdiko 14:30ak aldera eta Zaldibiatik pasata Larraitz aldera iritsiko da 15:00ak inguru.
