Langile bila dabil Segurako Ardixarra Interpretazio Zentroa. Lanpostuak lau funtzio nagusi beteko ditu: Segurako bisita gidatu ezberdinak egitea, turismo bulegoan arreta zerbitzua ematea, Segurako produktu turistiko, kultural eta abar ezagutzea eta jakitera ematea eta Euskal Herriko informazio turistikoaren berri ematea.
Langile berria irailean hasiko da, %50eko lanaldiarekin eta aldi baterako kontratuarekin. Hautagaiek gutxienez 2. Mailako Lanbide Heziketako titulazioa edo baliokidea eduki beharko dute eta C1 euskara maila. Segura herriaren ezagutza eta jendearekiko harremanetarako gaitasuna ere positiboki baloratuko dituzte.
Interesdunek irailaren 10era arte eman dezakete izena Lanbiden edota Segurako Udaletxera curriculuma eramanda eta bertan eskaera orria beteta. Zalantzako argitzeko udala@segura.eus helbidera edota 943 80 10 06 telefonora jo daiteke.