Futbito finaleko partidaren ondoren, Zopa Pertzaren jaitsierarekin hasiko dituzte herriko jaiak. Aurten, Buruhandi eta Gizaundien konpartsa izango da pregoilaria. Ondoren 8. Koadrila Lehiaketako Mozorro desfilea egingo dute eta musikaz lagunduta jarraituko dute gaua.
Larunbata, hilak 22, koadrilen eguna izango da. Ekintza ugari izango dituzte egunean zehar, hauen artean, 8. Koadrila Lehiaketako jokoak, gaztetxoen bazkaria eta Segurako Gazte Asanbladak antolatutako Koadrilen arteko bazkaria.
Igandea, San Joan bezpera egunean, haurrak izango dira protagonistak. Haurren krosa eta jolasak, Izarretan Dantzan dantza modernoko emanaldia eta haurren danborrada ospatuko dute. Gaueko 23:00etan, San Joan Sua eta herri-akelarrea egingo dute.
Astelehenean San Joan eguneko prozesio eta mezarekin hasiko dute eguna. Eguerdian Ekitaldi berezia izango dute plazan eta arratsaldean pilota partidak Baretze Pilotalekuan.
Festei amaiera emateko, asteartean, ekainaren 25ean, San Joan Bigarrena Jubilatuen Eguna ospatuko dute. Toka eta Bola jokoak eta txapelketa, txakolin dastaketa eta sardina jana eta Andoni Oilokiegiren kontzertua izango dute hainbatean artean. Bukatzeko, Zopa Pertzaren igoera eta agur zaratatsua egingo dute.
