Txingak, oskolak, korrikaldia, ingudea, harri jasotzea, trontza eta aizkora izan dira Segurako gazteek herriko festetarako antolatu duten lehiako zereginak.
Bertan, hasiera batean, Zegamarrak izan behar ziren aurkari, baina ezezkoa esan ondoren Idiazabalgo gazteak animatu ziren parte hartzera.
Lehia estu joan da hasiera batean, baina trontza izan da norgehiagoka markatu duena. Bertan Segurarrek aurre hartu diete Idiazabaldarrei denbora luzez eta, nahiz eta ondoren sprint-a egin eta nahiko parekatzea lortu duten azken hauek, Segurarrak izan dira garaile haien herrian.
Pozez eta satisfazioz azaldu dira bi taldeak herrian sortu den giro bikainarekin, eta Idiazabalgo gazteek hurrengoa haien herrian antolatzea onartu dute.