Aurtengorako ere egitarau oparoa antolatu da, astelehenetik asteazkenera hitzaldi eta tailerrak egingo dira. Ostiral arratsaldean hasita jai giroa izango da Segurako kaleetan. Igandean Euskal Herriko txoko ezberdinak ordezkatuko dituzten elkartekideek sukalki lehiaketa egingo dute eta ondoren, Euskal Herriko herrialdeen arteko lotura sinbolizatzen duen Gereziondoko Ekitaldia egingo da. Aurtengo gonbidatuak Udabiltzako Hautetsiak, herritarrak, Bidasoa etorkinen taldeko kideak eta Irungo Harrera Elkarteko ordezkariak izango dira.