Otsailaren 15 eta 16rako Belagua aldera elur-erraketekin irteera antolatzen ari da Ormaiztegiko Mendizale Elkartea.
Erraketen alokairua 12 eurokoa da. Nahi duenak beste ekintza batzuk egitea izango du, iraupen eskia edota inguruko mendietara oinezko irteera. Azken hauek, norberak bere kabuz egingo ditu.
Ostatua belaguako aterpetxean aurreikusi dute, eta federatuek prezio berezia dute (Ikusi atxikitako taulan). Pentsio erdian izan daiteke edo norberak bere autokarabana, furgoneta edo dana dalakoarekin ere joaterik izango du.
Ibilbideak adin guztietarako egokiak dira. Elurraren arabera Belaguako aterpetxe bertatik, El ferial, La Contienda edo La piedra San Martingo inguruetara joateko aukera izango da. Data gerturatu ahala zehaztuko dute gehiago.
Haurrak guraso edo heldu baten ardurapean joan beharko dute.
Izena eman, edozein zalantza argitu edo bestelako ekarpenik egiteko: ormaiztegikomendizaleelkartea@gmail.com.
Otsailaren 7a arte dago irekita izen-ematea.
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA