Ikus-entzunezkoa finantziatzeko auzolana bultzatu zuen Bisquertek eta Euskal Herriko lurraldeetan zehar proiektuaren 150 aurkezpen egin zituen hura lortzeko.
Zuzendariaren esanetan, filmak Otaño bertsolari-poeta handiaren memoria berreskuratu nahi du belaunaldi berrientzat, bera izan zelako bere garaian euskal kulturaren egile bikain eta sortzaileenetariko bat.
Besteen artean, Joseba Usabiaga, Sara Cozar eta Ramon Agirre bezalako aktore ospetsuak izango ditugu pantaila handian Euskal Herria eta Argentinan gertatutako istorio hau interpretatuz.
Datorren ostiralean, hilak 24, arratsaldeko 19:00etan Zumalakarregi Museoan proiektatuko da filma. Sarrerak 4€ko kostu orokorra izango du eta auzolanean parte hartu nahi dutenek 10€ ordainduko dute.
