Ekipamendu berritzailea hiri zerbitzuetan aplikatzeko ibilgailu astunentzako txasis-plataforma bat da, hidrogenozko erregai pila eta litiozko ioien bateria duen sistema hibrido batek bultzatua, kabina baxu aurreratu eta panoramikoduna, hiri zerbitzuetako jarduera guztietan aplikagarria dena. Enpresa irabazle suertatu da maila oso altuko hainbat proiekturekin lehian. Iñigo Sanz FCC Ingurumeneko CEOak jaso zuen saria, eta adierazi zuen "proiektua talde lanaren eta berrikuntzak duen garrantziaren adibidea da. Berrikuntza duela 110 urte baino gehiagotik enpresa honen DNAn dago eta ezinbestekoa da hazkunde jasangarrian oinarritutako negozio garapenerako ibilbide orria den gure 2050eko Iraunkortasun Estrategiaren helburuak lortzeko".
Proiektua, H2TRUCK izena duena, Irizarrek garatu du FCC Ingurumenarekin batera. Estatuko aitortza eta babesa izan du Automozio Jasangarriko Programa Teknologikoaren (PTAS) bidez, Garapen Teknologiko Industrialerako Zentroak (CDTI) emandako dirulaguntzen esparruan, eta Zientzia eta Berrikuntza Ministerioak lagunduta, Europar Batasunak finantzatutako Berreskurapen, Eraldaketa eta Erresilientzia Planaren barruan.
Plataformaren lehen aplikazioa azken belaunaldiko alboko kargako karrozeria duen bilketa kamioi baterako garatu da. Ibilgailu prototipoa martxan dago eta lan probetan dago duela hilabete batzuetatik, emisio kutsagarririk gabeko hondakinen bilketa zerbitzua egiteko aukera ematen duen H2 pila batekin.
Josu Letonak, Irizar ietruck kamioiaren negozioaren arduradunak, honako hau nabarmendu du "hidrogeno pilak lan intentsiboa duten egungo ibilgailu elektriko puruen eragozpen nagusia arinduko du, hau da, autonomiaren eta produktibitatearen arteko oreka. Izan ere, bizpahiru txandatan lan intentsiboa duten hirietan (Bartzelonan, adibidez), autonomia eta elektriko puruen kargatzeko denborak muga dira. Hala ere, eragozpen hori hidrogenozko piladun teknologia plataformarekin konponduta geratzen da, karga erabilgarriaren, autonomiaren, ibilgailuaren maniobragarritasunaren eta karga-denboren arteko oreka oso ona bata. Laburbilduz, udal ekipo astunen eraginkortasuna nabarmen hobetzea lortzen da".
Ibilgailua azaroaren 6an aurkeztu zen mundu osorako, eta Tomorrow Mobilityko D-185 standean izan zen ikusgai.
Iturria: irizar.com