Bihar Museoen Nazioarteko Eguna ospatuko da Gipuzkoan. “Museoak hezkuntzaren eta ikerketaren alde” lelopean, hainbat museok ekintzak egingo dituzte ospakizun eta aldarrira batzeko.
Gipuzkoako Foru Aldundiak eskainitako aurkezpenean, Goizane Alvarez, Kultura, Gazteria eta Kiroletako foru diputatuak adierazi zuenez, egun hori mundu osoan ospatzen da 1977 . urteaz geroztik eta Museoen Nazioarteko Kontseiluaren Batzar Nagusiak erabakitakoari jarraituz, Gipuzkoako museoek era guztietako programazioa antolatu dute.
Zumalakarregi Museoak 6 eta 12 urte bitartekoentzat tailerra antolatu du. Oihalezko poltsak sortuko dituzte Sandra Rodriguez animatzaile soziokultural eta turistikoak eskainita. 16:30etan izango da eta 5,5€ko prezioa izango du. Izena emateko, mzumalakarregi@gipuzkoa.eus helbidera idatzi beharko da eta tailerraz gain, Ormaiztegiko Iriarte Erdikoa baserrira bisita gidatua egingo da.