Hiru urteko etenaren ostean bueltan da Sahararen aldeko krosa. Igandean, otsailaren 25ean ospatuko den lasterketa berrikuntzekin dator gainera. Izan ere, etena ez da alperrikakoa izan eta antolakuntzan sartu diren kide berriak lasterketaria buelat bat ematen saiatu dira.
Ohi bezala bi luzera izango ditu: luzea, 10 kilometrokoa eta motza, 5,4 kilometrokoa baina ibilbidean aldaketak egin dira. Izan ere, bi lasterketak Irizar enpresa barrutik igaroko dira.
Bestetik, haurren lasterketak ere egingo dira, eskola kirolaren baitan.
Sahararen aldeko krosa, lasterketa bat izateaz gain asmo eta helburu solidarioa duen ekimena dela gogorarazi dute antolatzaileek. Horregatik, Saharako egoeraren berri emateko hainbat ekintza antolatu dira lasterketarekin batera.
Izen ematea kirolprobak.com web gunean egin daiteke otsailaren 23ra arte eta egunean bertan udaletxe azpian jarriko duten mahaian.