Ormaiztegiko Ttipi-Ttapa taldea handitzen ari da. Pasa den urtarrilaren 17an San Andres Herri Eskolako ikasleak batu ziren asteazken goizeko ibilaldira, eta hemendik aurrera, hilabetean behin paseotxoa elkarrekin egiteko asmoa dute. Horrela, Oin-harriak jubilatu elkarteko kideak eta eskolako adin desberdinetako ume taldeek elkarrekin egingo dute herrian zeharreko ibilaldi, elkar ezagutzeko eta elkarrekin une goxo bat pasatzeko. Amaieran, ohi bezela, pintxoa eta salda izango dute hauek ere.
Elkarrekin egindako lehen ibilaldian 20 ikasle inguruk hartu zuten parte, irakasleez lagunduta, eta, adinekoen taldean ere 18 bat lagun elkartu ziren.
Ordubeteko ibilaldiak izaten dira, bakoitza bere erritmora joateko moduan eta herrian bertan, beraz, ekimen honetara batzeko deia luzatu dute taldetik. Ttipi-ttapa asteazkenero egiten dute, goizeko 10:30etan elkartu ohi dira udaletxean. Belaunaldiarteko hurrengoa, berriz, otsailaren 7rako hitzartu dute.
