2024ko Urteko Autokar Saria jaso du Irizarrek Irizar i6S Efficient hidrogeno autokar berriarengatik. Madriden ospatutako ekitaldian jaso zuten garaikurra Imanol Rego, Irizar Taldeko CEOak eta Mikel Perez, Irizarko Espainia eta Portugalgo Zuzendari Komertzialak. Ekitaldian sektoreko enpresariak, sektoreko elkarte nagusietako kideak eta erakundeetako ordezkariak bildu ziren.
Ez da Irizarrek sari hau lortzen duen lehen aldia. Beste zortzi garaikur ere eskuratu dituzte Viajeros eta Transporte 3 aldizkariek antolatutako sariotan. Errepideko garraioaren munduko profesionalek osatzen dute epaimahaia.
Irizar i6S Efficient Hidrogenoa Europako lehen H2 zero isurketa autokarra da. Hidrogenozko ibilgailu hori Irizarrek bakarrik garatu du, enpresa eta zentro teknologiko garrantzitsuekin batera. Gaur egun, Irizar i6S Efficient Hidrogenoa hainbat tipologiatako proben fasean dago. 1.000 km arteko autonomia du, eta kargatzeko gutxieneko denborak, 20 minutu ingurukoak dira. Era berean, hidrogenozko Irizar ibilgailuek modu elektrikoan zirkulatzeko ahalmena dute hala eskatzen duten une jakinetan.