Epe laburrean eta ertainean egongo den eskaria jakitea eta Ormaiztegin etxebizitza erosi edo alokatu nahi dutenen asmoak eta beharrak ezagutzea helburu, Udalak etxebizitza eskatzaileen udal errolda osatzeko galdetegia ireki du. Horrela adierazi du Udalak:
Errolda horri esker, benetako eskaera ezagutu ahal izango da, eta etxebizitzen alorrean jarraitu beharreko estrategia eta eskaintza horretara egokitu ahal izango da. Etxebizitzaren gaia estrategikoa da Ormaiztegirentzat, eta orain hartzen diren erabakiak garrantzitsuak izango dira datozen urteetarako; horregatik, oso garrantzitsutzat jotzen da errolda hori osatzea.
Galdetegia bi modutan osatu ahalko da:
Paperean bete eta Udal Bulegoetan sarrera eman; inkestak eskuragarri izango dira bulegoan bertan.
On-line Google- formularioak aplikazioa bitartez,ondorengo estekan: https://forms.gle/uu7emacQgqTjHu9S8