30. Mendi eta abentura astea abiatuko da azaroaren 14ean eta lau egunetan zehar, Gizarte etxea mendian gertatutako hainbat istorioren lekuko izango da. Asteari amaiera emateko, mendi ibilaldia egingo dute igandean.
Egitaraua:
Asteartea 14 | 19:00
Igone Mariezkurrena: Westfjords: Islandia ezezaguna bizikletaz.
Zirkulu polar artikotik 50 kilometro eskasera dagoen Westfjords eskualdea iskin ezezaguna da Islandian. Ring Road bide sonatua ez da bertara heltzen eta, beraz, ezta urtero herrialdera iristen diren milioika bisitariak ere. Tundrako klima izugarri aldakorra, haizetsua eta hotza da, eta gogo-gorputzarentzat benetako erronka da munduko bazter hau bizikletaz eta autosufizientzia eran esploratzea. Zenbaiten hitzetan, Europako azken bazter basatia da.
Asteazkena 15 | 19:00
Joseba Iztueta: Zanskar, aztarna berrien bila
Indiako Himalaian kokatzen da Zanskar bailara. Izena duten gailurretatik urrun dago, granitozko dorre eta mendi pikoez inguratua. Abentura eremua mendi eskaladarako. Bertan irekitako harkaitz bide berrien eta lehen aldiz zapaldutako gailurrez hitz egingo da ikusentzunezko honetan.
Osteguna 16 | 19:00
Joxe Ramón Agirre “Marron”: Karakorun oinez eta hegaz
Ametsetatik nekez bizi daiteke, baina amets egin gabe are nekezago. Gizakiaren aspaldiko ametsa da hegan egitea, eta aspaldiko urteotan hegan egitea du amets Joxe Ramon Agirre Marron mendizaleak. Ibilbide horretan Mattin Iñiguez Ormazabal batu zaio amets berriekin, elkarrekin Baltoroko mendia; Trango dorreak , Broak peak eta K2 mendia alboan dutela egan egitera gonbidatzen gaituzte. Mendizaletasunetik eta ametsetatik haratago, «zentzu ludiko, poetiko eta erromantikoa» duen.
Ostirala 17 | 19:00
Mikel Sáez De Urabain: Bhagirathi 3 Hegomendebalde ertza
Bhagirati 3 ra egindako espedizioa, Indiako Himalaiako Garwald eremuan. 6454m dituen gailur tente honetan, hego mendebaldeko ertza eskalatzen bizitakoa kontatuko da, eskalada gogor eta tentea.
Igandea 19 | 9:00
Mendi ibilaldia
Udaletxea – Arandia – Urbizu – Zelandieta – Española – Liernia – Ormaiztegiko plaza (2 ordu)
Izen-ematea- Inscripciones: Azaroak 16 arte (kultura@ormaiztegi.eus)
18:30 Eliz-atarian Gaztina jatea