“La Guerra de África (1859-1860) y la Primera Guerra del Rif (1893-1894)” izenburua duen hitzaldia gaztelaniaz izango da eta Zumalakarregi Museoko dokumentazio arduraduna den Mikel Alberdik eskainiko du. Ostegunean arratsaldeko 19tan izango da eta izena emateko mzumalakarregi@gipuzkoa.eus helbidera idatzi behar da.
Alberdiren eskutik XIX. mendeko gatazka beliko honen gakoak ezagutzeko aukera izango da.
Espainiak 1859.ean gerra deklaratu zion Marokori, Ceutako kanpoaldean eraikitzen ari ziren gotorleku bateko espainiar armarria iraindua izan zelako. Gerra honen ezaugarri nagusien artean aipagarrienak, liberalek karlistekin batera borrokatu izana, euskal probintziek Euskal Tertzioak sortu izana eta prentsa korrespontsalak jarraitutako lehenetarikoa izatea.
Rifeko lehenengo gerrak Melilla inguruan eztanda egin zuen, espainiar gotorleku baten eraikina kabilen santu baten hilobiaren alboan hasi zutelako, riftarrak haserretu eta hiria erasotu zutenean. Espainiar artilleriak Rifeko tribuak bonbardatu zituen harik eta bonba batek meskita bat suntsitu zuen arte. Honek altxamendua gerra santua bihurtu zuen.
