Udalak eta jai batzordeak elkarlanean antolatutako ikastaroa izango da eta irailaren 12an eta 15ean burutuko da Gizarte etxeko areto nagusian.
Iaz martxan jarritako jaietan eraso sexistak sahiesteko protokoloa herritarren artean ezagutzera ematea da helburua eta gai honen inguruko konzientziazioa eta sentsibilizazioa sustatzea.
Sortzen aholkularitzak gidatuko du formazioa eta saio bakoitzak 2 orduko iraupena izango du. Eraginkorragoa izan dadin, taldeka banatu dira bertan parte hartuko duten eragileak.
Horrela, irailaren 12an 14etatik 16etara Udal gobernuari eta herriko tabernarieei zuzendutako saioa ospatuko da. Ondoren, 18etatik 20etara barraketako arduradunak eta interesa duen herritar orori eskainiko zaio tartea eta azkenik, irailaren 15ean 18etatik 20etara Harrikalariak Gazte asanbladako kidentzako saioa ospatuko da.
Ormazitegiko Udalak bertan parte hartzera gonbidatu eta animatu ditu herritarrak.