Frantziako Tour-eko 12. etapa irabaztea lortu du Ion Izagirre ormaiztegiarrak. Roanne eta Belleville-en-Beaujolais arteko ibilbidean nagusitu da Cofidis taldeko txirrindularia. Helmugarako 31 km falta zirela, azken igoeran, erasotu du Izagirrek eta helmugara arte eutsi dio, jarraitzaileei 1' 04" ateratzea lortuz.
2. aldiz irabazi du Ion Izagirrek txirrindularitzaren lasterketa nagusiko etapa bat. Izan ere, 2016ko Tour-ean ere 20. etapa irabaztea lortu zuen.
Euskal txirrindularitzarentzat emaitza onak ari da uzten aurtengo Tour-a. Herenegun, 10. etapan, Pello Bilbao gernikarra izan baitzen garaile.
