XXIX. Gipuzkoa klasikoa jokatu dan pasa den asteburuan, Junior mailako gizonezko txirrindularien egutegian data garrantzitsu bilakatu dena. Bi etapa ditu klasikoak. Aurtengoan, lehena Ormaiztegin hasi eta bukatu da. 2.a aldiz, iaz bezala, Donostiako Egia auzoan.
Garrantzi handiko lasterketa izanik, 12 euskal talde bildu dira Araba, Bizkaia eta Nafarroako selekzioez gain. Atzerritko 19 taldek ere hartu dute parte: Frantzia, Erresuma Batua, Belgika, Portugal, Herbehereak, Lituania eta Estatu Batuetatik etorritakoak.
Esan bezala, lehen etapak Ormaiztegin zituen irteera eta helmuga. 98 kilometro pasatxo egin zituzten Lierni, Gabiria eta Mandubitik pasaz.
2. etaparako Donostiara joan ziren txirrindulariak. Egia auzoan hasi eta bukatzen zen etapa honetan, 103 km burutu zituzten gorabehera askoko ibilbide gogorra osatuz.