Nahia Zunzunegi ordiziarrak amets bat bete zuen larunbatean, Realeko lehen taldearekin debutatuz. 20 urteko erdilariak Eibarren aurkako derbian izan zuen estreinako aukera, Ipuruan jokatutako neurketan. Bigarren zatian zelairatu zen, eta talde txuri-urdinak 1-2 irabazi zuen partida, hiru puntu garrantzitsu eskuratuz.
Zunzunegi 2021ean iritsi zen Realaren harrobira, Zubietara. Lehen hiru denboraldietan hirugarren taldean aritu zen, 2021etik 2024ra, eta azken denboraldietan bigarren taldeko kide izan da. Orain, lehen taldearekin debuta egiteko aukera izan du, mailaz maila egindako ibilbideari beste urrats bat gehituz.
Debutaren ondoren, pozik agertu zen ordiziarra Real Sociedadeko TikTok kanalaren bidez egindako adierazpenetan. «Oso gustura nago, amets bat da niretzat. Txikitatik Realekoa izan naiz, gipuzkoarra naiz, eta gainera Eibarren, Gipuzkoako derbi batean debutatzea are hobea da. Beraz, oso gustura», azaldu zuen.
Debut berezia, beraz, Nahia Zunzunegirentzat, Realaren lehen taldearekin bidea egiten hasteko.