Intza Arrondo ordiziarra Espainiako 19 urtez azpiko selekzioaren deialdian sartu da berriro. David Aznar hautatzaileak 24 jokalariko zerrendan sartu du Arrondo, Iraia Soroarekin batera. Realeko bi jokalariak dira deialdian talde txuri-urdinetik dauden bakarrak.
Orain, urriaren 6tik 13ra kontzentrazioan egongo da. Astebete horretan entrenamendu saioak egingo dituzte eta bi lagunarteko partida jokatuko dituzte Suediaren aurka, urriaren 10ean eta 13an, Las Rozaseko Futbol Hirian.
Arrondo Realaren B taldean ari da jokatzen, Lehen Federazioan, eta denboraldi hasieran maila ona erakusten ari da. Bere jardunak Espainiako Futbol Federazioaren arreta piztu du eta berriro deitu dute selekzioarekin lan egitera.
Deialdi hau 19 urtez azpiko Europako Txapelketa irabazi ondorengo lehena da. Hurrengo erronka 2027ko Europako Txapelketarako sailkapen fasea izango da. Espainiak lehen txanda azaroaren 24tik abenduaren 5era jokatuko du, Gales, Italia eta Israelen aurka.