Ordizia berdinzaleago eta feministago baten alde aurrera egiteko, herritarren parte-hartzea funtsezkoa dela nabarmendu du Udalak, eta prozesuan parte hartzera animatu ditu herritarrak.
Ildo horretan, berdintasunaren alorreko erronka nagusiak zehazteko, garrantzitsua da Ordiziako emakumeen errealitatea eta ikuspegia zuzenean ezagutzea, baita interesa duten beste herritarren bizipenak ere, tokiko elkarteen laguntzarekin.
Helburu horrekin, uztailean herritarren parte-hartzea sustatzeko galdetegi labur bat prestatu zen, Ordiziako errealitatearen hainbat arlotan herritarren esperientziak eta proposamenak jasotzeko.
Hurrengo pausoa, datorren astelehenean egingo den topaketa izango da. 18:00etan hasiko da, Jabekuntza Eskolaren lokalean, eta Ordiziako herritar guztiak parte hartzera gonbidatu dituzte.
Aurrez izena ematea eskertuko dute, berdintasuna@ordizia.eus helbidean.