Euskal jai egunean goizez azoka eta herri osoan egongo diren postuak ikusi eta talo bat jan ondoren zer egin ez dakizuela ibiltzen zarete? Jai Alai Pilota Elkarteak plan bikaina proposatzen du: arratsaldeko 17:30etik aurrera binakako pilota partidak izango dira Beti Alai pilotalekuan. Frontoia giroteko Murua eta Aldabe Zubizarreta IV ataundarra eta Morgaetxebarriaren aurka arituko dira.
Partida nagusia jokatuko da ondoren: Altuna III eta Martija Artola eta Iztuetaren aurka arituko dira. Maila bikaineko partida izateko osagai guztiak biltzen dituzte pilotari hauek.
Sarrerak, salgai
Datorren asteazken arratsaldeko pilota partidetarako sarrerak salgai daude dagoeneko. Irailaren 7an Pelotazale Jai Alai elkartean eskuratu ahalko dira 18:30ettik 20:00etara bitartean, baita 624 69 97 10 telefonora deituta ere. Bestetik, honako esteka honetan ere eros daitezke sarrerak 35 euroren truke.