2026ko Santa Ana jaietako kartel lehiaketako bi kategorietako irabazleak ezagutzera eman dituzte.
Helduen mailan, Ander Querejeta Ayalak eskuratu du lehen saria. Haren diseinua izango da aurtengo Santa Ana jaietako egitarauaren azala eta 500 euroko saria jaso du.
Gazteen kategorian, berriz, Lide Arcelus Mendizabal izan da irabazlea. Bere lana jaietako programaren barruan argitaratuko dute eta 100 euroko erosketa-baleak jaso ditu sari gisa.