Ordiziako Udalak martxan jarri du kafea eramateko edalontzi berrerabilgarriak sustatzeko egitasmo berria. Herriko taberna eta kafetegiekin elkarlanean, erabilera bakarreko ontzien kontsumoa gutxitzea eta ohitura jasangarriak bultzatzea da honen helburua.
Aurrerantzean, Ordiziako ostalaritza establezimenduetan bezeroek “Kikara” edalontzi berrerabilgarrian hartu ahal izango dute kafea eramateko. Erabiltzaileak euro bateko fidantza utziko du edalontzia jasotzean, eta gero sareko edozein establezimendutan itzuli ahal izango du dirua berreskuratzeko edo beste ontzi garbi bat jasotzeko.
“Kikara” edalontziak material berrerabilgarri eta birziklagarriekin eginak dira, eta materialaren %60a Ebroko Deltako arroz-azaletik dator. Gainera, mikrouhin-labean eta ontzi-garbigailuan erabiltzeko prestatuta daude, eta erabilera askotarako diseinatu dira.