Gaurtik aurrera zabalik dago Ordiziako udaleku irekietan izena emateko epea. Apirilaren 14tik 24ra bitartean eman daiteke izena. Aurrez aurre udaletxeko arreta bulegoan (08:00-13:30) edo barrenan kokatua dagoen Gazteriako bulegoan (astearte eta ostegunetan 16:00-18:00). Online egiteko aukera ere eskeini dute, (http://www.ordizia.eus) egoitza elektronikoaren bidez.
Udalekuak 2015 eta 2021 artean jaiotako haurrei zuzenduta daude, eta ekainaren 22tik uztailaren 17ra egingo dira, astelehenetik ostiralera, 10:00etatik 13:00etara, Hitzaro Euskara Elkartearen eskutik.
Plazak mugatuak direnez, behar izanez gero zozketa bidez esleituko dira, eta behin betiko zerrenda maiatzaren 8tik aurrera argitaratuko da Ordiziako Udalaren webgunean.
Kuota arrunta 91 eurokoa da, eta anai-arreben kasuan, bigarrenetik aurrera 81 eurokoa izango da. Gainera, diru-sarreren arabera hobariak eskatzeko aukera egongo da.