Singular dendak programako aitortzak banatzeko ekitaldia egin zen Ordizian. Gipuzkoako Merkatariak Federazioak, Eusko Jaurlaritzako Turismo, Merkataritza eta Kontsumo sailaren laguntzarekin antolatzen duen programa da Singular Dendak eta aurten 10 saltokik lortu dute aitortza, tartean Ordiziako Garin Okindegiak.
Singular Dendak Gipuzkoako merkataritza bereizteko programa da eta “xehetasunaren kultura lantzen du hainbat arlotan, hala nola bezeroarentzako arretan, irudi komertzialean, komunikazioan edo produktuan”. Ekimen honekin bertako saltokiak saritu nahi dira, nortasun berezia dutenak. Kalitatea, gertuko harreta eta tradizioa balio erantsi gisa duten komertzioak balioan jarri nahi dira. Merkataritza lehiakortasun handiko eremua izanik “denda konprometituak, paregabe egiten dituen esperientzia batengatik nabarmentzen direnak; nortasunarekin, bestelako merkataritza-eredu bati eutsi nahi diotenak; hurbilak eta bakarrak”.
Ordiziako udaletxean egindako ekitaldian Gipuzkoako 8 herri desberdinetako 10 agiri banatu ziren:
- Ordizia: GARIN OKINDEGIA
- Arrasate: ALTUNA LURRINDEGIA / MARKIEGI
- Donostia: MINIMIL / PERFUMERÍA URBIETA
- Irun: JUNCAL AGUIRRE
- Oñati: KIMU-URTXIN LORADENDA
- Orio: SOIA BRIDAL
- Tolosa: ARTEKA
- Zumarraga: OTXARAN
Astelehenean burututako ekitaldian sarituez gain, : Adur Ezenarro (Ordiziako alkatea), Maider Morras (Arrasateko alkatea), Mikel Serrano (Zumarragako alkatea), Andu Martínez de Rituerto (Tolosako alkatea), Idoia Aierbe (Oñatiko UdalekoSozioekonomia Arloko zinegotzia), Fernándo González (Irungo UdalekoMerkataritza teknikaria), Olatz Santamaría (Orioko Udaleko Hirigintza zinegotzia) izan ziren.