Joseba Aranburu, Ordiziako EAJko bozeramailea eta azken Udal hauteskundeetarako alkategaia da Gipuzkoako Nekazaritzako eta Lurralde Orekako zuzendari nagusi berria.
Aranburu nekazaritza ingeniaria da ikasketaz. Arantxa Ariztimuño ordezkatuko du zuzendari lanetan. Ariztimuñok, bere aldetik, Koldobike Olabideren lekua hartuko du Mendi eta Natura-ondareko zuzendaritzan.
Ordiziako EAJtik adierazi dute “Ordiziaren eta ordiziarren aldeko lana" ez duela albo batera utziko. "Buru-belarri jarraituko dut herri hau hobetzen, beti egin dudan bezala”. Bere hitzetan, ardura berriak aukera emango dio Ordiziari ere mesede egingo dioten ikuspegi eta lankidetza berriak irekitzeko.