Jabekuntza Eskolak hainbat tailer eta ikastaro eskainiko ditu ikasturte honetan

GITB 2025ko ira. 24a, 12:29

Ordiziako Jabekuntza Eskolak urritik ekainera eskainiko dituen ekintza guztiak jakinarazi ditu.

Ongizatea helburu, hainbat ekintza antolatu ditu aurtengo ikasturterako Jabekuntza Eskolak. Izena emateko epea urriaren 1ean amaituko da eta horrela aurkeztu da: "Herriko emakume guztiei zuzendutako espazioa da, adin, jatorri, sinesmen, aukera sexual edo errealitate ezberdinak dituzten emakume ordiziarren elkargunea. Espazio honetan antolatuko diren hainbat ekintzen videz emakumeek euren ezagutzak elkarbanatuko dituzte. Helburua, espazio seguruak sortu eta hausnarketa, eztabaida, eraldaketa eta ahalduntzea sustatzea da. Animatu eta parte hartu!". Hauek dira aurtengo tailer eta ikastaro guztiak:

🌼ONGIZATE EMOZIONALA ETA AUTOZAINKETA

Saioa Garmendia coach pertsonalak eskainita: Azkar eta denborarik gabe bizi zara? Gelditzeko eta zuri entzuteko unea da. Tailer hauetan estresa murrizten, antsietatea lasaitzen, autoestimua indartzen eta emozioak kudeatzen ikasiko dugu, espazio seguru eta hurbil batean.

Datak

Urriak 14, 28
Azaroak 11, 25
Abenduak 9
Urtarrilak 9, 23
Otsailak 3, 17
Martxoak 3, 17
Apirilak 14, 28
Maiatzak 12, 26

Ordua: 17:30-19:30
Lekua: Jabekuntza Eskola

🌼MENOPAUSIA OSASUNTSUA

Uxue Castellanos emaginak eskainita: Bizitzaren etapa honetan, emakumeok aldaketa handiak izaten ditugu maila biologikoan. Aldaketa horiek gure bizitzako beste eremu batzuetan ere eragiten dute. Tailer honetan, elkarrekin, gure bizitzako etapa honetan gertatzen denaren errepaso orokorra egingo dugu, eta tresna batzuk landuko ditugu horiek ulertzeko, zaintzeko eta indartzeko.

Datak

Irailak 30

Ordua: 17:00-19:00
Lekua: Barrena Kultur Etxea

🌼ELIKADURA MENOPAUSIAN: GOSEAK BUZTANA LABUR

Mireia Alberdik eskainita: Menopausia emakumeen bizi-zikloaren etapa bat da, tabuz eta estereotipoz betea; hala ere, bizi-etapa honek ahalduntzeko aukera bikaina eskaintzen digu. Gure gorputza nola indartu eta eguneroko elikaduraren bidez menopausiaren albo-ondorioak nola murriztu ikasiko dugu.

Datak

Urriak 8, 15, 22, 29

Ordua: 18:00-20:00
Lekua: Jabekuntza Eskola

🌼ZIKLO BERRIA, SEXUALITATE BERRIA

Libe Osa Arsuagak eskainita: Bizitza osoan sexualitatea etengabe eraldatzen ari den bizipena da. Eta klimaterioan ere mantendu egiten da desiratzen eta gozatzen jarraitzeko ahalmena. Lantegi honetan etapa berri hau besarkatzeko espazio bat sortuko dugu: zer nahi dut orain?

Data

Azaroak 12

Ordua: 18:00-20:00
Lekua: Jabekuntza Eskola

🪘BATUKADA FEMINISTA

Ainara Sarasketa Alberdik eta Arantza Albizuk eskainita: Jabekuntza ardatz eta perkusioa tresnatzat hartuta, talde lanean batukada feministak esan nahi duena landu, ulertu eta praktikara eramango dugu.

Datak

Urriak 23
Azaroak 6, 20
Abenduak 4, 19
Urtarrilak 15, 19
Otsailak 12, 26
Martxoak 12
Apirilak 16, 30
Maiatzak 14, 28
Ekainak 11

Ordua: 18:00-20:00
Lekua: Jabekuntza Eskola

📖"LO QUE QUEDE" LIBURUAREN AURKEZPENA

Irantzu Varelak idatzitako liburua: Biografia bat osatzen du kontakizun itxien bidez, tiroak bezain indartsuak, batzuetan azala erretzen digute, amorruz betetzen gaituzte eta gauzak erretzeko gogoa ematen digute. Hala ere, bere hitzetan beti dago ate bat irekita, bereen babesa, bere sustraiez hitz egiteko erabiltzen duen samurtasuna eta, jakina, norberaren oinazeak eta indarkeriak mugimendu eta ekintza kolektibo bihurtzeko asmo deliberatua.

Data