Ordiziako Oria ibaia eta Amundarain eta Mariarats errekak garbitu dituzte urtero moduan eta aurten, 2.250 kilo zabor jaso dira. %50a errefusa, %20a egurra, %20a plastikoa eta %10a txatarra.
Txukun Lorazaintza enpresak gauzatu du garbiketa, eta dioenez, Amundarain errekan inoiz baino zabor gehiago jaso da aurtengoan. Iaz baino 350 kilo zabor gehiago jaso dira, eta Adur Ezenarro Ordiziako alkatearen esanetan, "Datuak ez dira onak, eta hausnarketa egin behar dugu. Gure erreka eta ibaiak garbi mantentzea beharrezkoa da. Itsasoa urruti ikusten badugu ere, hemengo zabor guztiak bertara heltzen dira, izugarrizko kalteak eraginez. Arduraz jokatzeko deia egiten dugu, gure ibai eta errekak garbi manten ditzagun".
2018 eta 2025 urteen artean egindako garbiketetan, 30.550 kilogramo jaso dituzte Ordizian, Kantauri itsasora iritsi ez den zaborra.