Ordiziako helduen danborrada ekitaldi garrantziatsua da ordiziarrentzat. Ibilbide osoan zehar jende ugari biltzen da danbor eta barrilen desfilea ikusteko baina Plaza Nagusira heltzen den momentua bereziki preziatua da herritarrentzat. Une hau bizitzeko leku paregabea da udaletxeko balkoia eta horregatik, azkenengo urteetan bertan egoteko aukera eskaini du Udalak.
10 pertsonentzako lekua egongo da eta plazak zozketa bidez banatuko dira. Zozketan parte hartzeko interesa dutenek udaletxeko arreta bulegoan egin behar dute eskaera edo komunikazioa@ordizia.eus helbidera edo 688 75 26 47 telefonora idatziz. Baldintza bakarra Ordizian erroldatua egotea izango da eta lekua egokitzen zaion pertsona bakoitzak balkoira lagun bat eraman ahalko du. Eskaera epea uztailaren 17an, amaituko da eta uztailaren 18an egingo da zozketa.
