Ordiziako Udalak herritarren esku utzi nahi izan du Santa Ana jaiei hasiera emango dien txupinazoa botako duen pertsonaren aukeraketa. Ehunka proposamen jaso ondoren lau hautagai aipatuenen artean gogokoena hautatu beharko dute ordiziarrek. Erramun Amundarain, Maddi Garate, Asier Aseginolaza eta Emotio abesbatza dira hautagaiak.
Botoa emateko lau modu daude: komunikazioa@ordizia.eus helbidean, Ordiziako Udalaren sare sozialetan, 688 817 583 telefonora whatsapp mezua idatzita edota Barrena jauregian jarri duten kutxan.
Pertsonako boto bakarra hartuko dute kontuan.