Gipuzkoako Foru Aldundiak jakinarazi duenez, N-I errepideko 421,820 eta 422,160 k.p-en artean pantaila akustikoak jartzeko proiektuko obrak direla eta, datorren asteburuan zirkulazioari eragingo dioten lanak aurreikusten dira Gasteizerako noranzkoan.
Jarduketak N-I-422-2-E lotuneari eragiten dio, hau da, San Joan auzotik hartzen den sarrera-adarrari. Izan ere, pantaila akustikoak Buztuntza auzo parean jartzen ari dira eta sarrera-adar honek Urdaneta Ikastetxe parean egiten du bat errepidearekin. Lotune hau itxita egongo da maiatzaren 30eko (ostirala) 22:00etatik maiatzaren 31ko (larunbata) 06:00etara.
