Oiangualde STOP! Plataformak sinadura bilketari ekin zion larunbatean Ordiziako udaletxe azpian. Honen helburua, Oiangualde eremuan 82 etxebizitza eraikitzeko proiektua gelditzea. Plataformaren esanetan, proiektua onartezina da hainbat arrazoiengatik; hauen artean, etxe hauek ez dutela etxebizitza faltaren arazoa konpontzen adierazi zuten, eraikiko diren etxeak ez baitira edozein herritarrentzat eskuragarriak. Gainera, Oiangualde eremuari kalte egingo ziola aipatu zuten, zirkulazioa areagotuz eta bertako ingurumena kaltetuz eta suntsituz. Aste honetan informazioa jasotzeko eta sinatzeko bi aukera gehiago egongo dira:
- Maiatzak 14, asteazkena: 11:00-13.00
- Maiatzak 17, larunbata: 12:00-14:00
Bitartean, plataformak Telegram kanala sortu du eguneraketa guztien berri emateko (batu hemen Telegram kanalera).
