Euskal Herriko VIII. Artisau Garagardo Azoka ospatuko da larunbat honetan. Hala ere, egitarauari gaur emango diote hasiera.
Arratsaldeko 19:00etan Larrun Arri Elkartean garagardo dastaketa egingo da, Basquebeer Elkarteko Jabi Ortegaren eskutik. Bihar, ostirala, Mala Gissonako Manu Murilloren eskutik beste dastaketa bat egingo da baita Ordizia Hotelean, arratsaldeko 19:30etan. Bi hauetan parte hartzeko izena eman beharko da aurrez emaneurretaldea@gmail.com helbidean eta 15 euroko prezioa izango du.
Larunbateko azokaren irekiera goizeko 11:00etan izango da. Ondoren, 11:30etan ospatuko da Euskal Herriko garagardorik onena aukeratzeko txapelketa. Sari banaketa 14:00etan egingo da eta ondoren, 14:30etan, azoka itxiko da.
Ondoren, 17:00etan irekiko dute berriz azoka. Arratsalde osoan zehar garagardoa dastatzeko aukera egongo da eta 20:00etan Iratzar erromeriak alaituko du plazako giroa. Gaueko 00:00etan, espuelaren ostean, amaiera emango diote aurtengo azokari.
