Dolu perinatalaren gaia lantzeko erakusketa bat eta mahai-inguru bat antolatu dira Ordizian. Haurdunaldian edo jaiotza inguruan gertatzen diren heriotzei eta hauek eragiten duten doluari arreta jartzea da asmoa, askotan tabu izan den gaia gizarteratzeko helburuarekin.
Erakusketa eta mahai-ingurua
Dolu perinatala ikusaraziz erakusketa Barrenan dago ikusgai apirilaren 11ra arte. Nerea Garaizar argazkilariaren argazkiz osatuta dago eta bertan familien testigantzak ere jasotzen dira.
Dolu perinatalaren inguruko mahai-ingurua apirilaren 10ean, arratsaldeko 18etan egingo da Barrenan. Bertan Esku Hutsik elkarteko kideak, emaginak eta dolu hau bizi izan duten familiak elkartuko dira.
Esku Hutsik gurasoez osatutako elkartea da eta haurdunaldian edo jaioberritan gertatutako heriotzagatik dolua bizi izan duten familiei laguntza eskaintzea du helburu.