Ordiziako Klasikoaren 2025eko edizioa zalantzan izan ondoren, 102. ekitaldi hau burutuko dela baieztatu du Chapel Gorri Elkarteak. Rural Kutxarekin lau urteko hitzarmena sinatu du, kirol probaren bideragarritasuna bermatzeko helburuarekin.
Rural Kutxak "tokiko garapenarekin" eta "Klubaren balioekin duen konpromisoa eta identifikazioa" erabakigarria izan dela adierazi dute.
Bestetik, Klasikoa antolatzen duen Chapel Gorri Elkarteak eskerrak eman nahi izan dizkie Ordiziako Udalari, Gipuzkoako Foru Aldundiari, Eusko Jaurlaritzari, babesleei, bazkide babeseei eta gainontzeko kolaboratzaile eta boluntarioei urte hauetan guztietan emandako laguntzagatik.
