Hala adierazi du Ordizia Errugbi Elkarteak bere sare sozialetan. Bertan zabaldutako mezuan, Ordizia taldea errugbi gorenean egotearen arduradun eta taldearen bilakaeraren zutabe nagusi bezela gogoratu dute.
Orpokatzaile gisa jokatu zuen hasierako urteetan Ordiziako taldean. Hainbat urtez jokatu eta gero, entrenatzaile gisa hasi zen.
Lorpen garrantzitsuak egin zituen Arañak Ordizian, izan ere, taldea estatuko errugbiko elitera eraman zuen. 2003. urtean bigarren mailara igo ziren eta bi urteren ostean Ohorezko Maila eskuratu zuten. 2012 eta 2013an ere, Errege Kopa irabazi zuen talde ordiziarrak bere gidaritzapean. Ondoren, Ordiziako taldea utzi eta La Unica taldea gidatu zuen hiru denboraldiz.