Atzo arratsaldean osatu zen liga erregularreko bigarren itzuliko zozketa, Espainiako Errugbi Federazioaren egoitzan. Bertan, Ohorezko Mailako taldeak bi multzotan banatu dira sailkapenaren arabera, lehen sei sailkatuak alde batetik (A multzoa) eta beste seiak bestetik (B multzoa).
Ampo Ordiziak ligako lehen fasea 10. postuan amaitu duenez, B multzoan aurkitzen da, Pozuelo, La Vila, Les Abelles, Barça eta Cisneros taldeekin batera. Orain, multzo honetan 5 jardunaldiko bigarren fase bat jokatuko dute, denak denen aurka, itzuli batera.
Bigarren faseko partidak:
- Martxoak 8: Cisneros – Ampo Ordizia
- Martxoak 23: Ampo Ordizia - Pozuelo
- Martxoak 30: Ampo Ordizia - Les Abelles
- Apirilak 6: Barça – Ampo Ordizia
- Apirilak 27: La Vila – Ampo Ordizia
Bigarren itzuli honetarako taldeek lehen fasean lortutako puntuak mantenduko dituzte. Beraz, une honetan talde gipuzkoarra sailkapeneko laugarren postuan aurkitzen da 15 punturekin.
Liga erregularra amaituta, titulua “play off” sistemaren bidez erabakiko da hiru jardunalditan ligako lehen 8 sailkatuen artean, A multzoko 6 taldeak eta B multzoko lehen biak. Azken bi sailkatuak berriz, Ohorezko B Mailara jaitsiko dira.