Osinalde bertso sariketaren kanporaketak berehala hasiko dira eta baditugu hauen datak. Lehena, Argi Berri Saria, martxoaren 29an ospatuko da, aurten aldaketa batekin. Kanporaketa bazkalostean jokatuko da, arratsaldeko 16:00etan. Eguerdian hasiko dira trikipoteoarekin eta 14:00etan bazkaria egingo da. Ondoren, ekingo diote bertso kanporaketari.
Mikel Etxezarreta, Libe Goenaga, Danel Herrarte, Haira Aizpurua, Irantzu Idoate eta Maite Sarasola bertsolariak arituko dira bertsotan Osinalde Sarirako sailkapenaren bila.
Bazkari eta saiorako sarrerak dagoeneko salgai daude 30€-ren truke 688 69 88 58 zenbakira deituz.
Osin Berde kanporaketa apirilaren 5ean eta Aztiri kanporaketa apirilaren 12an jokatuko dira eta hauetan afalosteko formatua mantenduko da. Osinalde Saria, apirilaren 26an jokatuko da.