Lau sagardotegi izan dira, Xabier Sukiak gidatutako denboraldi berriaren irekiera honetan: Ataungo Urbitarte, Legorretako Begiristain, Ordiziako Tximista eta Zeraingo Oiharte, guztiak, “Euskal Sagardoa” Jatorri Izendapenaren barruan dauden sagardotegiak.
Gaurkoan, lehen sagardoa dastatzeko gonbidatua Fernando Arana izan da, XX. mende hasieran Ordizian izan ziren hamaika sagardotegietan azkena itxi zuten Arana sagardotegiko ondorengoa.
Guztira 273.550 litro ekoiztu dira Goierrin aurtengo uztan. 130.550 euskal sagardo litro ekoiztu dira eta hauek ekoizteko 200.000 kg sagar inguru erabili dira. Guztira 35 sagar ekoizle daude euskal sagardoaren barruan, 64 hektareatan banatuta.