Next Generation diru-laguntzarekin egingo den bigarren obra handia izango da Oiangu, plaza nagusiko obrak bukatzean. Lanek 1.650.000 euroko aurrekontua izango dute BEZ-a barne.
Lanak bi zati izango ditu; batetik, Oiangu baserria aterpetxe funtzioa betetzeko konpontze eta birgaitze lanak egingo dira. Igogailua jarri eta lehen solairuan logela berriak sortuko dira. Jasangarritasunarekin konpromisoan, plaka fotoboltaikoak eta biomasa galdara berria instalatuko dira.
Bestalde, baserriaren kanpoaldean kokatuta dagoen eraikina egokitu eta balio anitzeko gela bat sortzea dute helburu, baita parkeko ekintzetara bideratuko den beste gela bat ere.
Proiektua lizitazioa atera da eta enpresek hilaren 21era arteko epea izango dute proiektuak aurkezteko. Behin obra hautatua, 9 hilabeteko epea izango dute egin beharreko lanak amaitzeko.