Liburu Baby Klubak ostegunean, hilak 24, ekingo dio ikasturte berriari, aurkezpen saio batekin. Bertan parte hartzen duten haur eta gurasoei liburu pack bana oparituko zaizkie.
Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Umeak heldu batekin egongo dira eta azken honek jardueran ere parte hartuko du. Ekintza honen helburu nagusia txikitatik literatura, musika, artea eta naturarekiko interesa piztea da eta jarduera hauek familiartean sustatzea. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.
Egitasmoan parte hartzeko, izena ematea komeni da, Ordiziako liburutegian bertan, 943805633 telefono zenbakira deituta edo liburutegia@ordizia.eus posta elektronikora mezu bat bidalita.
