Ordiziako Udaleko Nerabeen Zerbitzuak ostiral honetan zabalduko ditu ateak.
12 eta 17 urte arteko (2012-2007 urteen artean jaioak) nerabeentzat zuzendutako doako zerbitzu honetan parte hartzeko eskaerak, ostiraletik igandera jasoko dira bertan. Ordizian bizi diren edo bertan ikasten ari diren pertsona guztiei eskaintzen zaie aukera. Ordiziako ikastetxeetako DBHko 1.mailako ikasleei banatutako izen emate fitxak ere Gaztelekuan entregatu beharko dira.
Gaztelekuaren bidez, nerabeen arteko partaidetza, espiritu kritikoa eta pertsonaren autonomia sustatu nahi da, berdinen artean harremanak izateko, lagun berriak egiteko eta aisialdia modu ludikoan, hezitzailean, integratzailean eta euskaraz egiteko aukera emanez.
Informazio gehiago:
Ordiziako Udaleko Haur eta Gazteen Zerbitzuan (943 80 56 30 edo gazteria@ordizia.eus)
Nerabeentzako Zerbitzuan, Gaztelekuan (637 16 97 92 edo gaztelekuordizia@gmail.com)