Majori kiroldegiak eta Orkli kooperatibak elkarlanean sortutako ekimena da Majorklitoia. Europako Kirol Astearen testuinguruan, Majoriko abonatu guztiak eta Orkliko langileak, astebetez ahalik eta kirol gehien eta kilometro gehien egitea zuen helburu ekintzak.
Egitasmoa antolatu duten lehen aldia izan da hau eta antolatzaileak oso pozik daude astebetez lortutako emaitzekin. Izan ere, hauen helburua guztira 42 maratoi osatzearena zen, baina erronka hori gainditzea lortu dute.
67 lagunek hartu dute parte Majorklitoian eta guztira, 2.580,83 kilometro, hau da, 61,16 maratoi osatu dituzte. Partaide bakoitzak 38, 51 kilometro burutu ditu bataz beste eta kilometro gehien egin duen parte-hartzaileak 130 kilometro osatu ditu guztira.
Ekimenean parte hartu dutenen artean, Majori kiroldegiko urte osoko abonu bat zozkatu dute, eta Joseba Zubillaga izan da irabazlea.
