Urtero bezala, udako oporren ostean Aftersun jaialdiaren txanda iritsi da. Jaialdiaren hasiera eguerdiko 12:30etan hasiko da. Kontzertuak, eguzki sukaldeak, narrasti eta anfibioei buruzko hitzaldia gaztetxoentzat eta sistema fotoboltaikoen erakusketa egongo dira.
Aurtengo kontzertuetako gonbidatuak Sara Zozaya, Ghau, Yaima Orozko eta Ixabe izango dira eta DJ Necorak alaituko du giroa.
Ver esta publicación en Instagram
Azpimarratzekoa da Ordiziarrock taldeak egindako lana, izan ere, jaialdian erabiliko den argindar guztia eguzki izpiek hornitutako plaken bidez sortua izango da. Gainera, jaialdiaren aste horretan bertako artisten sorta ederra zozkatuko dute Ordiziarrockeko lagunen artean.
