10. aldiz, martxan da Ordizia Zabalik laguntza programa. Ekimen honen helburua herriko merkataritza eta ostalaritza bizirik mantentzea da. Hiru norabidetan landutako proiektua da. Batetik, herrian ez dauden negozio berritzaileak erakarri nahi dira ekintzaile berrien bitartez. Bigarrenik, herriko gune desberdinetako beharrak asebete nahi dira, eta hirugarren eta azkenik, belaunaldi aldaketari erantzun bat eman nahi zaio.
Ordiziako Udalak 27.000 euroko diru partida bideratu du 2024an diru-laguntza honetarako. Diru kopuru hori ekintzaileei lokalarent ordaintzen laguntzeko erabiltzen da. Lokala erosketaren kasuan katastro-balioaren %4an laguntzeko, gehienez 3.000€. Alokairuaren kasuan, laguntza hori gehienez ere bi urtez jaso ahal izango dute ekintzaile berri hauek, 2024ko urtarriletik atzeraeraginezko izaerarekin: Udalak %40 finantzatuko du (300 euro gehienez hilean).
Ekintzaileen %80ak jarraitzen du
10. aldiz jarri da martxan Ordizia Zabalik ekimen hau. Aurreko edizioetan 60 bat ekintzailek jaso dute laguntza hau. Hautetako %80ak bere negozioarekin aurrera jarraitzen du.