Zortzigarren urtez, apirila eta maiatzean zehar Ordiziako ikasleek Oiangu Natur Eskolan hartu dute parte. Aurten, 460 haur izan dira Ordiziako naturari buruz ikasteko aukera izan dutenak.
Adur Ezenarro, Ordiziako alkatearen hitzetan, “Kuttuna den proiektua da Oiangu Natur Eskola. Oiangu naturaz gozatzeko leku paregabea izateaz gain, naturan eta naturaz ikasteko ere baliagarria da. Onuragarria da naturarekin kontaktuan egotea, edozein adinetan. Arrakasta handia duen ekimena da, eta urtez urte apustu hori egiten jarraitzeko asmoa daukagu”.
Oiangu Parkean egiten diren ekintzak bertako biodibertsitatera egogituak dira eta baso-eskoletako motolodogia jarraitzen dute. Haurren motibazioa eta autoestima sustatzea helburu, egun osoan zehar asko zaindu dute komunikazioa prozesu honetan. Gainera, naturarekiko kontaktua lehen momentutik sustatzeko, irakarle eta hezitzaileak oinez gerturatu dira parkera egunero.
Jolas librerako denbora ere izan dute ikasleek; talde lana, laguntasuna eta kooperazioa indartzea helburu, ez zaie eskaini jostailurik ez bestelako gailurik, estimulazioa natura topa zezaten.
Horrela, egitasmo honen helburua haurrek naturarekiko errespetua areagotzea, esperientzia positiboa bizitzea eta ingurumena maitatzea izan da.