"Munduketariak" ikuskizuna eskaini zuten Ordiziako Herri Antzokian Patxi Zubizarreta, Jokin Mitxelena, Joserra Senperena eta Maddi Oihenartek Urdaneta eskolako zenbait ikaslerekin batera. Oinarria, Patxi Zubizarreta idazle ordiziarrak eta Jokin Mitxelena ilustratzaileak ekainaren 2an ospatuko den Euskal Eskola Publikoaren jaiaren harira ondutako "Munduketariak" liburua izan da. Ipuin honek aniztasun kulturala, emigrazioa, identitatea, munduaren ezagutza, Euskal Herriko geografia, kolonialismoa eta etorkizuna eraldatu beharra ditu hizpide, besteak beste. Asteazkeneko emanaldian ere jorratu zituzten gai hauek, Patxi Zubizarretaren kontakizunen eta Senperena eta Oihenarten musikaren bidez. Oholtzaratu ziren ikasleek eskolaren aniztasuna islatu zuen, bakoitzak bere azma-hizkuntzan eskerrak emanez. Mitxelenak, berriz, marrazki eder bat margotu zuen emanaldiak iraun zuen bitartean.
"Munduketariak" ikuskizuna Goierri Telebistan ikusi ahalko da datorren asteartean arratsaldeko 18:00etan eta gaueko 22:00etan.